Hafið bláa hafið

Siglingin um karabíska hafið verður lengi í minnum höfð. Hreint út sagt stórkostleg ferð. Óhætt að mæla með slíku ferðalagi fyrir þá sem geta drifið sig. Þriggja rétta máltíðir á hverju kvöldi, sólbað á dekkinu, dekur í spa stofunni, frábær líkamsræktaraðstaða, sundlaugar, barir, golfhermir, púttvöllur og ég veit ekki hvað. Áfangastaðirnir voru líka hver öðrum skemmtilegri og snorkluðum við t.d. í St. Marteen innan um ýmsa furðufiska karabíska hafsins. Í kvöldverðunum sátum við alltaf á sama borði, höfðum sömu þjónana og sömu borðfélagana. Við vorum mjög heppin með borðfélaga sem er kannski eins gott því heldur væri það leiðinlegt að sitja uppi með eitthvert leiðindalið í löngum þrírétta máltíðum sjö kvöld í röð.

En kíkið endilega á myndabloggið en það er það umfangsmesta til þessa enda af nógu að taka.

Shakira, aðventan og fleira....

Það hefur ýmislegt á daga okkar drifið að undanförnu. Shakira-tónleikar, jólaboð í vinnunni hjá Ernu, sundlaugarpartý í byggingunni og margt fleira. Ætla ekki að hafa mörg orð um þetta allt saman en bendi á myndabloggið þess í stað.

Húsbóndinn lauk í gær við síðustu ritgerðinni á þessari önn og Erna vann síðasta vinnudaginn hjá Holland & Knight. Við ákváðum því að halda uppá þessa áfanga og skruppum út á stað hér í nágrenninu sem ber hið skemmitlega nafn Mama mia. Þar hittum við ansi hress hjón, karlinn frá Kúbu og hún frá Brasilíu. Samskipti okkar byrjuðu á því að þau heimtuðu að við fengjum okkar af keti sem þau höfðu pantað sér og gáfust ekki upp fyrr en við samþykktum að smakka á kræsingunum. Svo heimtaði sá kúbverski að fá að gefa okkur drykki og hætti að sjálfsögðu ekki fyrr en hann fékk það í gegn. Þau reka nokkrar fatahreinsanir hér í nágrenninu. Hann hafði flúið Kúbu árið 1993 en þá réri hann á bát yfir til the Keys.

Lauk þessum samskiptum okkar við þau hjón á þá leið að skipst var á kontaktupplýsingum og hann heimtar að við gistum í strandíbúð þeirra þegar við komum í heimsókn til Miami eftir að við verðum flutt til Íslands. Humm, svona fer áfengið með menn..... En ansi skemmtilegt kvöld verður að segjast og skemmtileg hjón.

Nú erum við að fara af stað með leigara til Fort Lauderdale þar sem Jewel of the seas bíður okkar og ætlar að ferja okkur í sjö daga um Karabíska hafið. Aldrei að vita nema að eitthvað verði bloggað á þeim tíma þar sem það ku vera netsamband og aðstaða um borð til að stunda slíkt.

Við óskum ykkur öllum gleðilegra jóla og farsældar á nýju ári. Heyrumst heil á því nýja....

Royal Caribbean

Við höfum lengi verið að spá í að fara í "cruise" um karabíska hafið. Þannig höfum við legið á Expedia og fleiri slíkum síðum að undanförnu til að finna góð tilboð til að skella okkur á. Það er nefnilega staðreynd að Miami og Fort Lauderdale eru meðal stærstu skemmtiferðaskipahafna veraldar og héðan fara t.d. flest skip af stað í ferðir um karabíska hafið. Oft er hægt að fá ansi góð tilboð í svoleiðis ferðir hér í US og duttum við niður á eitt slíkt hjá mjög þekktu skemmtiferðafyrirtæki sem heitir Royal Caribbean fyrir helgi og skelltum okkur á það. Um er að ræða viku ferðalag (átta nætur) um austurhluta karabíska hafsins. Lagt verður af stað 16. desember frá Fort Lauderdale, 18. des verðum við í San Juan í Puerto Rico, 19. des. í Philipsburg í St. Maarten, 20. des. verðum við í St. Johns á Antiqu, 21. des. í Charlotte Amalie á St. Thomas, 23. des eyðum við svo í Nassau á Bahamas og ljúkum svo ferðinni á aðfangadag í Fort Lauderdale. Innifalið í pakkanum er matur allan tímann (vín þó ekki innifalið) og skilst okkur að þar sé ekki um að ræða neinn slormat heldur dýrindis kræsingar sem hægt er að fá sér eins mikið af og hægt er að láta ofan í sig. Þetta ku oft verða þess valdandi að fólk vaggar út úr skipinu, ekki vegna sjóveiki heldur vegna aukakílóanna sem áunnist hafa eftir vikuna. Við erum þó staðráðin í að berjast fimlega gegn þessum mikla "vágesti" ;)

Þetta er náttúrulega ansi mikil geggjun en við ákváðum að kýla á þetta tilboð því tækifærið er einstakt og svona ferð mun alltaf kosta okkur þrefalt til fjófalt meira ef við þyrftum fyrst að fljúga frá Íslandi og gista á hóteli áður en í skipið er farið. Það verður því töluvert öðruvísi aðventa á þessu heimili heldur en vanalega en tilhlökkunin er mikil.

Ef þið hafið áhuga á að skoða skipið sem við förum á þá smellið hér og ef þið viljið kynna ykkur allt um leiðina þá smellið þið hér. Hér er svo hægt að fara í svokallaðan "virtual tour" um skipið með að smella á valda hluta þess.

Disney

Vorum að koma úr helgarferð til Orlando þar sem við hittum Guðrúnu frænku Ernu og fjölskyldu hennar. Laugardagurinn fór allur í Disney garðinn Magic Kingdom en það eru fjórir garðar sem heyra undir Disney. Þessi er sá þekktasti en hinir eru líka ansi vinsælir. Það tekur s.s. einn dag að sjá þennan garð og þá eru hinir þrír eftir. Það var gaman að fara með fjölskyldunni í garðinn og fá að upplifa þetta með litlu frændum hennar Ernu sem eru á kjöraldri fyrir svona garða. Ákaflega skemmtilegur dagur og Disney er eitthvað sem allir aldurshópar ættu að hafa gaman að. Þetta er eiginilega heill heimur útaf fyrir sig.

Á sunnudeginum heimsóttum við þau í hverfinu þar sem þau leigja hús. Undirritaður tók m.a. 9 holur á velli sem liggur á milli húsana í þessu hverfi. Það er skömm frá því að segja en ég hef ekki snert golfkylfu síðan ég kom aftur út en er þó umkringdur völlum og aðstæðurnar eru ekki beint slæmar. Er með sett og allt. En náði allavegana einum hring þarna á sunnudaginn og það var ansi skemmitlegt. Fyrir þau ykkar sem hafið áhuga á þá eru komnar fullt af myndum frá Orlando-ferðinni á myndasíðunni okkar. Njótið.

NPR - National Public Radio

Ef þið hafið áhuga á að nálgast vandaða umfjöllun um bandarísk samfélagsmál, sem og vandaða umfjöllun um heimsmálin, þá hvet ég ykkur til að hlusta á NPR á netinu: http://www.npr.org. Ef þið "skrollið" aðeins niður síðuna sjáið þið vinstra megin neðarlega link sem heitir "program stream". Smellið þar á og veljið annaðhvort windows media player eða annað sem þar er boðið uppá. Við Erna reynum að fylgjast vel með samfélagsmálum hér í US og hefur þessi stöð reynst standa uppúr. Mikil gæði og minnir um margt á Rás 1 heima nema hvað þessi stöð hefur náttúrulega töluvert meiri fjármuni úr að spila og geta t.d. verið með fréttaritara um allan heim sem senda inn innslög reglulega.

Það bregst sjaldan að þegar stillt er á stöðina fær maður bestu umfjölluna um þau mál sem hæst eru á baugi hverju sinni og oft eru mjög áhugaverð viðtöl við háttsett fólk í bandarískum stjórnmálum og stjórnsýslu. NPR er fjármagnað með framlögum frá einkaaðilum og almenningi og er svokölluð "non-profit" stofnun eða fyrirtæki. Eini gallinn er sá að reglulega fara þau í söfnunarátak og þá er dagskráin undirlögð undir þau. Þá er bara að skipta yfir á aðrar stöðvar á meðan og mæta svo aftur eftir að átakinu líkur ;)

Annars erum við Erna á leiðinni til Orlando í dag þar sem við ætlum að hitta frænku Ernu og fjölskyldu hennar og fara m.a. í Walt Disney-garðinn og eitthvað fleira. Gerast ung í anda og kanna uppeldisstöðvar Andrésar Andar, Guffa, Jóakims aðalandar, Mínu, Andrésínu og allra þeirra snillinga sem Disney hefur skapað...........